“Каада-салтын, тилин бузбай сактаган, эгемендүү элим менен мактанам” аттуу фестиваль болуп өттү

2023-жылдын 22-сентябрь күнү 23-сентябрь “Кыргыз Республикасынын мамлекеттик тили жөнүндө” Кыргыз Республикасынын кабыл алынгандыгынын 34 жылдыгына карата, Базар-Коргон райондук мамлекеттик администрациясынын чоң жыйындар залында “Каада-салтын, тилин бузбай сактаган, эгемендүү элим менен мактанам” аттуу фестиваль болуп өттү.

Фестивалга Базар-Коргон райондук мамлекеттик администрация башчысы-аким М.Карагулов, орун басары А.Сансызбаева, райондук билим берүү бөлүмүнүн башчысы С.Жалилов, мектептер, бала бакчалар, мекеме-ишканалардын кызматкерлери катышышты.

Фестивалда кыргыз тилин, улуттук наркты жана кыргыз жаранын данктаган доклад, хор, “Манас” урааны, “Манас” эпосунан үзүндү, “Кара жорго”, кыргыз бийлери, көркөм окуулар, комуз күүсү, комуз коштоосунда ырлар, акыйнек, кыз узатуу адабий көрүнүштөр көрсөтүлдү.

Жыйынтыгында катышуучуларга райондук мамлекеттик администрациясынын дипломдору жана акчалай сыйлыктар тапшырылды.

Базар-Коргон районунда массалык ишембилик уюштурулду.

Бүгүн, 2023-жылдын 16-сентябрь күнү, Кыргыз Республикасынын Президентинин 2022-жылдын 6-сентябрындагы № 305 “Улуттук тазалык күнү жана 2023–2025-жылдар мезгилинде тиричилик калдыктарын иштетүү боюнча натыйжалуу инфраструктураны түзүү боюнча иш-аракеттер планы жөнүндө” Жарлыгынын алкагында, райондун аймагында массалык ишембилик уюштурулду.

Ишембиликке райондук мамлекеттик администрациянын аппарат кызматкерлери, жергиликтүү өз алдынча башкаруу органдарынын, мекеме-ишканалардын жамааттары жана жергиликтүү тургундар катышышты.

Ишембиликтин алкагында, туристтик аймактар, токойлор, жолдор, Базар-Коргон-Арстанбап-Кызыл-Үңкүр жана Ош-Бишкек автоунаа жолдордун жээктери таштандылардан тазаланды.

Базар-Коргон районунда жалпы ишембилик өткөрүлдү

СОЦИАЛДЫК ДҮКӨН ИШКЕ КИРИЗИЛДИ

Бул дүкөндөн азык-түлүктөрдү базар баасынан арзан баада сатып алсаңыздар болот.

2021-жылдын жыйынтыгы чыгарылды

Базар-Коргон районунун 2021-жылдагы жалпы ишмердигинин жыйынтыгы чыгарылды. 2021-жылдын     21-январь күнү Базар-Коргон райондук мамлекеттик администрациясынын чоң жыйындар залында райондук мамлекеттик администрациянын коллегиясынын жыйыны өтүп, анда “2021-жылдын жыйынтыгы менен Базар-Коргон районунун социалдык-экономикалык өнүгүүсүнүн абалы  жана  2022-жылга  милдеттер  жөнүндө” маселе каралды.

Коллегиянын жыйынын Базар-Коргон райондук мамлекеттик администрациянын башчысы-аким Джанысак Сатыбалдиев алып барып, ага айыл өкмөт башчылары, шаардык мэрия жана мекеме, ишканалардын жетекчилери катышты.

Күн тартибиндеги маселе боюнча район башчысы-акимдин биринчи орун басары Эрмекбай Омошев  жана орун басары Асель Сансызбаева доклад жасап, өткөн жылдагы район аймагындагы аткарылган иштер, жаратылган ийгиликтер жана келип чыккан көйгөйлөр тууралуу кеңири кеп болду. Ошондой эле жыл ичинде жакшы иштери менен көрүнгөн бир катар эмгек жамааттарына, айыл аймактарына сыйлыктар ыйгарылды.

Эң башкысы, быйылкы жылда ишти жакшыртуу жана алдыдагы милдеттерди толук кандуу ишке ашыруу боюнча кеп козголуп тапшырмалар берилди.

Документтештирүү штабы түзүлдү

Базар-Коргон районунун аймагында туулгандыгы тууралуу күбөлүгү, паспорту жана турак жай салып, жер тилкесине жеке менчик укугун тастыктоочу документтери (мамлекеттик акт) жок жарандарды тактап, тиешелүү деңгээлде иш алып баруу, жеринде көмөк көрсөтүү максатында  атайын райондук  штаб түзүлүп, бүгүн биринчи оттуруму болуп өттү. Отурумдун жүрүшүндө штаб мүчөлөрүнө жогоруда аталган маселелер боюнча тиешелүү маалыматтарды тактоо иштерин жүргүзүп, калкка даректүү жардамдарды көрсөтүү тапшырмалары берилди.

Арзан баадагы көмүр сатылууда

Кыргыз Республикасынын Президентинин тапшырмасы жана Кыргыз Республикасынын Президентинин Жалал-Абад облусундагы ыйгарым укуктуу өкүлүнүн көмөгү менен Базар-Коргон райондук мамлекеттик администрациясынын уюштуурусунда  жергиликтүү өз алдынча башкаруунун аткаруучу органдарынын башчылары, жеке ишкерлер аркылуу, районубуздун тургундарына арзан баада көмүрлөр алынып келип сатылууда. Күйүчү отун биринчи кезекте аз камсыз болгон үй-бүлөлөргө сатылууда.  Ошондой  эле райондун тургундарына арзан баады көмүрлөр айыл аймактардын борборунда 1 кг 4 сомдон сатылууда. Райондун тургундарын кышка көмүр менен камсыздоо алдынкы күндөрү дагы улана бермекчи. Азыркы күнгө чейин 406,3 тонна көмүр алынып келип сатылган.

БАЗАР-КОРГОН РАЙОНУНДА ЖАҢГАК ФЕСТИВАЛЫ ӨТТҮ

БАЗАР-КОРГОН РАЙОНУНДА ЖАҢЫ 100 ОРУНДУУ ЖАНА 60 ОРУНДУУ БАЛДАР БАКЧАСЫ АЧЫЛДЫ

Бүгүн 2021-жылдын 15-сентябрь күнү Базар-Коргон шаарына караштуу Совет айылында 100 орундуу “Ак-Кеме” балдар бакчасынын ачылыш аземи болуп, пайдаланууга берилди. Аталган иш-чарага КР Президентинин Жалал-Абад областындагы ыйгарым укуктуу өкүлү А.Т.Сыргабаев, Базар-Коргон райондук мамлекеттик администрациясынын башчысы-аким Дж.М.Сатыбалдиев, Жогорку Кеңештин экс депутаты А.Масабиров жана мекеме, уюмдун жетекчилери катышышты. Балдар бакчасынын курулушу Республикалык бюджеттен каржыланып, сметалык баасы 24,7 млн сомду түзөт.

Ушул эле күнү Бешик-Жон айыл аймагынын Жон айылында  элдик салымдан жана жергиликтүү бюджеттин эсебинен каржыланган 60 орундуу балдар бакчасынын ачылыш аземи болуп,   пайдаланууга берилди. Балдар бакчасынын жалпы сметалык баасы 5,1 млн сомду түзөт.

МУГАЛИМДЕРДИН ПЕДАГОГИКАЛЫК КОНФЕРЕНЦИЯСЫ БОЛУП ӨТТҮ

Бүгүн, 2021-жылдын 14-сентябрь күнү Базар-Коргон райондук мамлекеттик администрациясынын чоң жыйындар залында райондук билим берүү бөлүмү тарабынан уюштурулган “Сапаттуу билим берүү жана руханий адеп-ахлактык тарбия – өлкөнүн өнүгүүсүнүн негизи” темасындагы мугалимдердин педагогикалык конференциясы болуп өттү.

Конферецияга райондук мамлекеттик администрация башчысы-аким Дж.М.Сатыбалдиев райондук мекеме, уюмдардын жетекчилери, айыл өкмөт башчылары, мектеп директорлору катышышты.

Конферециянын жүрүшүндө тарбиялоо иштериндеги жетишкен ийгиликтери жана билим сапатын жакшыртууга кошкон салымы үчүн бир катар мугалимдерге баалуу белектер, акчалай сыйлыктар жана “Ардак грамоталар” тапшырылды.