ЗОРДУК-ЗОМБУЛУКТУН АЛДЫН АЛУУ БОЮНЧА ФОРУМ ӨТТҮ

Форумга Базар-Коргон райондук мамлекеттик администрациясынын башчысы- акимдин орун басары А.С.Сансызбаева, 136 мечиттердин имамдары, айыл башчылар, аксакалдар, аялдар, жаштар кенештери, Коомдук Алдан Алуу Борборлорунун ѳкүлдѳрү, айыл аймактардын соц.адистери жана мектептердин директорлору жана соц.мугалимдери, спорттук тренерлер катышышты.

ТАЖИК-АФГАН АРДАГЕРЛЕРИНИН КООМДУК БИРИКМЕСИНЕ 25 ЖЫЛ

Ардагерлерди коомдук бирикменин 25 жылдык мааракеси менен куттуктайбыз, алардын кызматы эч качан унутулбайт, келечекке кошкон салымы баа жеткис. Бүгүн ардагерлер ардак грамоталар, сыйлыктар, төш белгилер менен сыйланышты. Базар-Коргон райондук маданият үйүнүн таланттуу кызматкерлери концерттик программа менен ардагерлерди куттукташты.

23-ФЕВРАЛЬ АТА-МЕКЕНДИ КОРГООЧУЛАР КҮНҮ

Урматтуу Базар-Коргон районунун тургундары!
Сиздерди бүгүнкү ата-мекенди коргоочулар күнү менен куттуктаймын!
23-февраль – бул аталарыбыздын, чоң аталарыбыздын, агаларыбыздын жана уулдарыбыздын эрдиктерин эскерип, тынчтыктын жана коопсуздуктун сакчылыгында тургандар менен сыймыктана турган күн.
Бул майрам муундардын үзүлбөс байланышын чагылдырат. Мекенге берилип кызмат кылуунун, символу болуп саналат. Аймактын бүтүндүктү жана ата мекенибиздин келечегин сактоо биздин каарман жоокерлердин, намыскөй уул-кыздарыбыздын мекенчил сезимин курчутат деп ишенем.
Ата мекенди коргоочу — бул чеп бетинде турган жоокер болсо, ал эми биздин экономикабызга, саламаттык сактоого, билим берүүгө, маданиятыбызга жана идеологиябызга күн сайын эмгеги менен зор салымын кошкон ар бир атуул болуп саналат.
Ушул майрам күнү жүрөгү кыргыз жери, кыргыз эли деп соккон, жандили менен мекенине күйгөн ар бир атуулубузга күч-кубат тилейм, чың ден-соолук, бакыт-таалай, бейпил жана бакубат турмуш каалаймын!
Базар-Коргон райондук мамлекеттик администрация башчысы-аким Мирлан Карагулов

Базар-Коргон райондук мамлекеттик администрациясы ачык сынак жарыялайт

Базар-Коргон райондук мамлекеттик администрациясы мамлекеттик жарандык кызматтын кенже административдик кызмат орундарына кадрлардын резервине кирүү үчүн ачык сынак жарыялайт

Кенже топтогу административдик мамлекеттик кызмат орундарына төмөнкүдөй квалификациялык талаптар белгиленет:

1) Кесиптик билимдин деңгээли:
– жогорку билим – Юриспруденция тармагында.
2) Иш стажы жана тажрыйбасы:
– иш стажына талап коюлбайт;
3) Кесиптик компетенттүүлүгү:
– Төмөнкүлөрдү билүү:

Кыргыз Республикасынын жалпы мыйзамдарын:
– Кыргыз Республикасынын Конституциясы;
– Кыргыз Республикасынын “Мамлекеттик жарандык кызмат жана муниципалдык кызмат жөнүндө” мыйзамы;
– Кыргыз Республикасынын «Кыргыз Республикасынын ченемдик укуктук актылары жөнүндө» Мыйзамы;
– Кыргыз Республикасынын «Коррупцияга каршы аракеттенүү жөнүндө» Мыйзамы;
– Кыргыз Республикасынын Президентинин 2022-жылдын 31-майындагы № 171 «Кыргыз Республикасынын мамлекеттик жарандык кызматчыларынын жана муниципалдык кызматчыларынын этика кодексин бекитүү жөнүндө» Жарлыгы.

Тиешелүү тармактагы мыйзамдарын:
– Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарын шайлоо” жөнүндө Мыйзамдары.
– Кыргыз Республикасынын Өкмөтүнүн 2020-жылдын 3-мартындагы “Кыргыз Республикасында иш кагаздарын жүргүзүү боюнча типтүү нускама жөнүндө” № 120 токтому.
Билгичтиги:
жогору турган жетекчилердин тапшырмаларын сапаттуу аткаруу;
документтерди, маалыматтарды, суроо-талаптарга жоопторду сапаттуу даярдоо;
тиешелүү чөйрөдөгү ата мекендик жана чет өлкөлүк тажрыйбаны талдоо жана аны практикалык иште колдонуу;
кызматтык милдеттерге ылайык өз ишин натыйжалуу пландаштыруу;
жарандардын кайрылууларын кароо жана жоопторду даярдоо;
мамлекеттик жана/же расмий тилдерде иштиктүү кат алышуу;
командада иштөө;
Көндүмдөрү:
ченемдик укуктук актылар менен иштөө жана аларды практикада колдонуу;
компьютердик жана уюштуруу техникасын, зарыл болгон программалык продуктуларды колдоно билүү.

Сынакка катышуу үчүн төмөнкү документтерди тапшыруу керек:

– өздүк арыз;
– өздүк таржымал (соттуулугу бар же жок экендиги жөнүндө маалыматты көрсөтүү менен);
– резюме сүрөтү жана электрондук почтаны көрсөтүү менен;
– нотариустан же акыркы иштеген жеринде күбөлөндүрүлгөн негизги жана кошумча билимин (бар болсо) ырастаган документтердин көчүрмөлөрү;
– нотариустан же акыркы иштеген жеринде күбөлөндүрүлгөн эмгек китепчесинин көчүрмөсү (иш стажы бар болсо);
– илимий даражаны жана илимий наамды (бар болсо) ыйгаруу жөнүндө документтердин көчүрмөлөрү;
– паспорттун көчүрмөсү (түп нускасы сынакка келгенде көрсөтүлөт).
Сынакка катышуучу адамдар кошумча сунуш каттарды бере алышат.

Арыз берүүнүн мөөнөтү 2024-жылдын 1-февралынан баштап 15-февралына чейин.

Сынакка катышуу үчүн документтер төмөнкү дарек боюнча кабыл алынат:
Базар-Коргон шары, Б.Осмонов көчөсү 170. (Персонал менен иштөө бөлүмү), сурап билүү тел: 03736 5-01-40, 5-00-10.

ЭСКЕРТҮҮ: Белгиленген талаптарга жооп бербеген документтерди жана маалыматтарды көрсөткөн жарандарга сынакка катышууга жол берилбейт.